 ::
Gaztaren eguna
Maiatzeko lehenengo igandea
 1998az
geroztik antolatzen da azoka hau Idiazabalen eta bertan kanpaina
berriko gazta gazteak aurkezten zaizkio publikoari. Beren artaldeak
Aralar, Aizkorri, Entzia, Gorbeia eta Urbasan dituzten artzain arabar,
bizkaitar, gipuzkoar eta nafarrek edozein zaletu harritzeko moduko
gazta-aukera zabala ematen diote dastatzera azokara hurbiltzen den
jendeari.
Gazta-dastatze horretaz gain, zeinean publikoak bertan den gaztarik
hoberenaren aukeraketa egiteko lehiaketa antolatzen baita, goizean
zehar beste hainbat ekitaldi antolatzen da, besteak beste: gazta
egiteko prozesuaren erakusketa, azalpenekin, mania egin eta dastatu,
eskuz eta makinaz egindako motzaldiak, animalia-erakusketa (ardiak,
euskal artzain-txakurrak, artzanorak), musika...
Horrek guztiak produktu aparta baten eta horrekin batera garatzen
den bizimoduaren inguruan igande goiz atsegin eta interesgarria
emateko aukera eskaintzen digu.
|
›
“Zumitz” Elkartea
