Igarondoko etxean jaio zen. Aita idazkaria zen eta, umeak urtebete zuela, familia osoa Beasaina joan zen bizitzera.

Apaiztu eta, 1918an, Burgo de Osmako gotzain izendatu zuten, 1924an Iruñeko eta 1928an Gasteizko (Gipuzkoako probintzia ere bere elizbarrutian zuela). Postu horretan bizi izan zituen Espainiako II. Errepublikako eta Gerra Zibileko urte zurrunbilotsuak eta ez zituen harreman oso gozoak izan bateko eta besteko agintariekin.

Edozein giza jardueratan gertatu ohi da, banaka batzuk nabarmendu egiten direla edo, beharbada -gero, aurrerago- beste batzuk nabarmen agerrarazten dituztela. Baina, modu berean -bere jardunean ahalegin betean aritu arren- beste askoren izenak betiko ahaztuta geratu ohi dira. Garbi dago, gertatutakoak esplikatzeko garaian, lehenen ekinbidea bezala dela beharrezkoa besteena ere gogoan izatea.

Hala eta guztiz, liburuetan hala jasota dagoenez, egindakoengatik Idiazabaldik kanpora ere esanahiren bat izan edo nolabaiteko paperen bat jokatu izan duten pertsonak bildu egin dira. Ez du esan nahi horrek, besteak baino gehiagokotzat jo behar ditugunik eta, areago, komeni da gogoan izatea, beste askoren lanik gabe, berek ere ez zutela horrelakorik egingo.