IDIAZABALIDIAZABALgo GAZTAUDALETXEA AGENDA BISITARIAKALBISTEAK  › Urteko ekintzak  › Hilabetearen ekintzak  › Zerrenda telefonikoa  › Industria gida :: Urteko ekintzak   Urtarrilak 1, urte berriari harrera eginez herriko aguazilak ardoa banatzen du udaletxeko arkupetan. Urtarrilak 5, Errege Magoak Kabalgatan herriari bira emanaz haurren ilusio eta ametsak egi bihurtzen saiatzen dira. Otsailak 3, San Blas herriko patroia da eta urteko festarik handiena, egun honetan erroskila bedeinkazioa izaten da, egun honen inguruan kultur eta kirol ekitaldi ugari antolatzen dira adin guztietako herritarrak partehartu dezaten. Ihauteriak San Adriango ermitara prozesioa Corpus Chisti aurreko igandean, usadio zaharrari eutsiz Idiazabalgo herritarrak meza entzun ondoren Zegamara heldu eta alkateek makilak aldatuko dituzte eta gauza txistulariekin dantzaldia izango da, gauza bera gertatuko da Segurara heltzean, ondoren Idiazabalgo Mikel Deunaren elizan bukatuko da ospakizuna. Iluntzean ardoa banatuko da udaletxeko arkupetan. Maiatzeko lehen igandean Gazta Eguna; egun honetan ardi latxaz egindako gaztaia izaten da dastatzeko, gaztarik gustokoena aukeratzeko lehiaketa herrikoa antolatzen da, gazta egiten modu zahar eta modernora, bertsolariak, trikitixa, artisauak... Udaberrian egun jakinik ez izan arren Artisa Eguna ospatzen da, artisau langintza ezberdinak aukeratu eta beraien trebeziak erakusten izaten dira egun guztian zehar. Ekainak 23 San juan sua ospatzen da, herriko gazteek San Juan suaren inguruan dantza egin eta akelarre bat antzezten dute,hau dena txalaparta soinuez eta kondaira baten ingruan. Uztailak 31 San Ignazio auzoko jaia, egun hauetan mus txapelketa, músika eta San Ignazio egunean ermitan meza eta ondoren hamaiketakoa inguratutako guztientzat. Abuztuak 15 Ama birjiñaren eguna Gurutzetako Andre Maria ermitan meza eta ondoren hamaiketakoa bertan bildutakoentzat. Irailak 29 San Migelak Urtsuaran auzoko jaiak asteburu osoan zehar mus txapelketa, herri kirol eta ardikia eta odolkiak dastatzeko aukera paregabea. Abenduak 24, Olentzero eguna herriko abesbatzaren kontziertoa herriko plazan Olentzeroaren etorrerarekin batera. Egun guztian zehar herriko haur eta gazteak gabon kantak abestuz ibiltzen dira etxez etxe.